Jishag y Nollick

She persoon cowreydagh kianglt rish y Nollick eh Jishag y Nollick (Yernish: Daidí na Nollag ny Dadaí na Nollag, Gaelg Albinagh: Dadaín na Nollaig). Ta persoon cosoylagh lesh yn ennym cheddin goll er mayrn ayns ram çheeraghyn elley, goaill stiagh y Reeriaght Unnaneysit, y Chanadey, ny Steatyn Unnaneysit, yn Austrail, a.r.e. (Father Christmas), y Rank (Père Noël), y Spaainey (Papá Noel), y Chataloan (Pare Noel), y Vrasseel (Papai Noel), y Phortingal (Pai Natal), yn Iddaal (Bobbo Natale), as y Vritaan (Tad Nedeleg). Ayns ny laaghyn t'ain, ta Jishag y Nollick ceau cullee ghial-yiargey, agh ayns ny h-eashyn Victorianagh as Tiudaragh ren eh ceau cullee ghial-eayney.

Va Jishag y Nollick ny hoylley jeh spyrryd y ghennallys car y Nollick, agh cha row eh ny ymmyrkagh jeh giootyn as cha row kiangley er lheh echey rish paitçhyn. Ren soyllaghyn roie-noa-emshyragh jeh ymmyrkagh giootyn veih shennaghys yn agglish, ta shen dy ghra Noo Niglus, as beeal-arrish mestey rish eie Jishag Nollick ny h-Ellanyn Goaldagh son dy chroo Noo Niglus. Cosoylaght rish Noo Niglus, ta Jishag y Nollick er ny choontey myr y cheddin rish y çhenn-chredjue ayns Woden.

Ayns ny h-Ellanyn Goaldagh, t'eh er credjal dy vel Jishag y Nollick/Noo Niglus cummal ayns fer jeh daa voayl - Ard y Twoaie ny 'sy Laplann, Finnlynn.^[1]

1. ↑ "Ugh cha nee, boirey er lheh — Vel shoh jerrey Jishag y Nollick?". iomtoday.co.im. 22 Nollick 2003. Feddynit magh er 29 Sauin 2010. {{cite web}}: Check date values in: |accessdate= as |date= (cooney)